«Милан» афсонаси Паоло Мальдини Римдаги теннис турнирига ташриф буюриб, диққат марказида бўлди. Мальдини ўз ҳамюрти, жаҳон рейтинги пешқадами Янник Синнер ва россиялик Андрей Рублёв ўртасидаги ўйинни кузатди.

«Футбол теннисдан нимани ўрганиши мумкин? Режалаштиришни билиш керак. Теннисда футболда етишмаётган барча ишлар қилинди. Менимча, жаҳоннинг биринчи рақамли ракеткаси мавжудлиги қизиқишни оширади. Аммо жаҳон рейтингининг топ-100 талигида италияликларнинг кўплиги тасодиф эмас», — дея Мальдинининг сўзларидан иқтибос келтиради Sempre Milan.

Мальдини ўзининг эҳтимолий келажаги ҳақидаги саволга «изоҳсиз» дея жавоб беришдан бош тортди. Унинг исми мунтазам равишда «Милан» тузилмасига қайтиш ёки терма жамоа даражасидаги фаолият билан боғланади, бироқ унинг ўзи омма олдида аниқ гап айтишдан қочиб келмоқда.