Майкл Кэррик “Манчестер Юнайтед” бош мураббийи сифатида келажаги борасида фикр билдирди.

“Ростини айтсам, бу саволни берганингиз учун сизларни айблай олмайман. Ҳа, олдимизда яна икки ўйин бор, холос. Ҳозирча фақат шуни биламиз. Бошқа қўшимча қиладиган гапим йўқ. Балки сизлар ҳам шуни кутгандирсизлар. Вазият барчамиз учун анча тушунарли, шунинг учун ўйинга тайёргарлик ўзгармайди», — деди Кэррик.

Мураббий, шунингдек, клуб келажаги ва шартнома масалаларидаги иштироки ҳақида ҳам гапирди:

“Менинг келажагим яқин орада ҳал бўлади. Бу мавсум охирига яқин ёки айнан якунида рўй беришини аввалдан билардик. Ҳеч нарса ўзгаргани йўқ. Ҳозирча ҳолат шундай. Қолгани эса яқин вақт ичида маълум бўлади”, — дея қўшимча қилди у.

Маълумот учун, Кэррик “Манчестер Юнайтед”ни 2026 йил январь ойида қабул қилиб олган. Унинг қўл остида жамоа 15 та ўйин ўтказиб, 10 та ғалабага эришди. Айни пайтда манкунианликлар Англия Премьер-лигаси жадвалида 65 очко билан учинчи ўринни эгаллаб турибди.