«Ювентус» ва «Манчестер Юнайтед» клубларининг собиқ дарвозабони Эдвин ван дер Сар айни пайтда Европадаги энг яхши голкипер ким экани ҳақида фикр билдирди.
— Ҳозир Европадаги энг яхши дарвозабон ким?
— «Бавария»дан Нойер бир неча йил давомида энг яхшилардан бири бўлиб келди. У билан бир қаторда Тибо Куртуа ва Жанлуиджи Доннаруммани ҳам айтиш мумкин. Аммо ҳозирги фаворитим — Райя. У ажойиб сифатларга эга. У «Арсенал» билан Англия Премьер-лигаси ва Чемпионлар лигасини ютиши мумкин, — деди ван дер Сар.
Жорий мавсумда Давид Райя барча мусобақаларда 49 та учрашувда майдонга тушиб, 30 та гол ўтказиб юборди ва 27 та ўйинда ўз дарвозасини дахлсиз сақлаб қолди.
Transfermarkt портали баҳосига кўра, 30 ёшли дарвозабоннинг трансфер қиймати 35 миллион еврога тенг.













