«Бенфика» бош мураббийи Жозе Моуриньо Мадриднинг «Реал» клубида Альваро Арбелоани алмаштиради. Томонлар ўртасида келишувга эришилган ва яқин орада шартнома расмийлаштирилади, бу ҳақда бир қатор нуфузли манбалар хабар бермоқда.

Marca нашрининг маълумотларига кўра, «қаймоқранглилар» раҳбарияти бир қатор муваффақиятсизликлар ва можаролардан сўнг жамоанинг муаммоли кийиниш хонасида фақатгина у тартиб ўрната олади деб ҳисоблагани учун ҳам «The Special One» фойдасига танлов қилган. Жозе Моуринью аввал ҳам — 2010 йилдан 2013 йилгача бўлган даврда «Реал»ни бошқарган эди. Шунингдек, португалиялик мутахассисга клубнинг трансфер масалаларида ҳам якуний қарор қабул қилиш ҳуқуқи берилиши тахмин қилинмоқда.