Осиё Чемпионлар лигаси–2 2025/2026 мавсуми финалида Саудия Арабистонининг «Ан-Наср» ва Япониянинг «Гамба Осака» жамоалари Ар-Риёдда тўқнаш келишди. Унда "кунчиқар юрт" вакиллари кичик ҳисобда ғалаба қозонишди.
Ўйиндаги ягона голни 30-дақиқада туркиялик ҳужумчи Дениз Хуммет киритди.
«Ан-Наср» ҳужумчиси Криштиану Роналду учрашувни тўлиқ ўтказди, аммо самарали ҳаракат амалга ошира олмади. Мезбонлар ўйин давомида рақиб дарвозасига 11 та аниқ зарба йўллашган бўлса, "Гамба" 3 та аниқ зарбанинг биттасини голга айлантиришга муваффақ бўлди.
Осиё Чемпионлар лигаси–2. Финал
16 май 2026 йил
Ар-Риёд, Саудия Арабистони. «Кингдом Арена»
Ан-Наср — Гамба Осака — 0:1
Гол: 0:1 — Дениз Хуммет, 30
Ярим финалда «Ан-Наср» Қатарнинг «Ан-Аҳли» жамоасини 5:1 ҳисобида мағлуб этган бўлса, «Гамба Осака» Таиланднинг «Бангкок Юнайтед» клубини 3:0 ҳисобида енгган эди.













