Аргентиналик ҳужумчи Мауро Икарди Туркиянинг «Галатасарой» клубини тарк этади, бу ҳақда футболчининг ўзи ижтимоий тармоқлардаги саҳифасида эълон қилди. Икардининг шартнома муддати тугамоқда ва у узайтирилмаган эди — эндиликда эса бундан кейин ҳам узайтирилмаслиги узил-кесил ойдинлашди.
Натижада, футболчи Истанбулда тўрт мавсум давомида ўтказилган 133 та учрашувда киритилган 77 та голдан иборат катта меросни қолдириб кетмоқда. У ҳатто 2023/2024 йилги мавсумда 25 та гол уриб, Туркия чемпионатининг энг яхши тўпурарига айланган эди.
Икарди ўзининг хайрлашув сўзида «Галатасарой»да ўтказган даврини «ҳаётидаги энг яхши дамлардан бири» деб атади. Эслатиб ўтамиз, аргентиналик форвард муқаддам Италиянинг «Интер» ва Франциянинг «ПСЖ» каби гранд клублари шарафини ҳимоя қилган.
