«Бавария» бош директори Ян-Кристиан Дризен ҳужумчи Харри Кейн ҳақида ўз фикрларини билдирди. Маълумки, Мюнхен клуби инглиз футболчиси билан шартнома муддатини узайтиришни истамоқда. Амалдаги келишув кейинги йилнинг ёзида якунига етади ва форварднинг номи Премьер-лигага қайтиш билан боғлиқ миш-мишларда тилга олинишда давом этмоқда.
«Харрининг агенти — унинг акаси. Унинг отаси ҳам ишларни юритишда ёрдам беради. Биз улар билан яхши муносабатдамиз. Харри ва унинг оиласи Мюнхенда ўзларини жуда қулай ҳис қилишмоқда. Умид қиламанки, биз кейинги мавсумдан кейин ҳам ҳамкорликни давом эттирамиз», — дея Дризеннинг интервьюсидан иқтибос келтиради Bayern & Germany нашри.
Эслатиб ўтамиз, Кейн якунига етган Бундеслига мавсумида 36 та гол билан энг яхши тўпурарга айланди. Умумий ҳисобда эса 32 ёшли футболчи жорий мавсумда Венсан Компани жамоаси сафида 50 та учрашувда майдонга тушиб, 58 та гол уришга муваффақ бўлди.
