«Манчестер Сити» марказий ҳимоячиси Йошко Гвардиол бошқа топ-клублар билан боғланмоқда. «Diario AS» нашрининг хабарига кўра, хорватиялик футболчини сотиб олиш имконияти Мадриднинг «Реал» клубига таклиф этилган.

Футболчининг вакиллари «шаҳарликлар» сафидаги унчалик омадли чиқмаган мавсумдан сўнг, уни бошқа жамоага жойлаштиришга тайёр. Шунингдек, бош мураббий Хосеп Гвардиоланинг келажаги борасидаги ноаниқлик ҳам бу қарорга таъсир кўрсатмоқда.

«Қаймоқранглилар» скаутлари ҳимоячини у Англияга кўчиб ўтгунига қадар ҳам кузатиб келишган. Испания гранди марказий ҳимоя чизиғини кучайтиришга муҳтож, шу сабабли келаётган трансфер ойнасида 24 ёшли футболчи учун курашга киришиши мумкин.

Гвардиолга, шунингдек, «Бавария» ҳам қизиқиш билдирмоқда. «Transfermarkt» сайтида унинг бозор қиймати 70 миллион еврога баҳоланган.