«Челси» бош мураббийи вазифасини бажарувчи Калум Макфарлейн Хаби Алонсонинг жамоага янги устоз этиб тайинланганига муносабат билдирди.
Якшанба куни «Челси» «Реал»нинг собиқ бош мураббийи тайинланганини эълон қилди. Испаниялик мутахассис Лондон клубидаги фаолиятига 1 июлдан бошлаб киришади.
«Мен бундан ҳайратда эмасман. Бу буюк клуб. Бизда ҳақиқатан ҳам ажойиб ва дунёнинг энг яхшиларидан бўлган футболчилар бор деб ҳисоблайман. Улар омадсиз кечган мавсумга қарамай, вақти-вақти билан ўзларидаги юқори классни намойиш эта олишди. «Челси» — катта клуб ва у ҳар доим энг яхши футболчилар ҳамда топ-мураббийларни ўзига жалб қилаверади», — деди Макфарлейн.
