«Милан»даги вазиятдан яхши хабардор бўлган италиялик журналист Иван Дзадзаронининг фикрича, клуб устози Массимилиано Аллегри жамоани тарк этиб, футбол бўйича Италия терма жамоасини бошқаришга йўл олади.
«Макс Аллегри мана етти йилдирки ҳеч нарса ютмаяпти, лекин у Италияда бешинчи-олтинчи ўрин даражасидаги клубни Чемпионлар лигасига олиб чиқмоқда ва Италия миллий терма жамоаси устозига айланиши мумкин. Мен бундай сюрпризлардан ҳайратланмайман», — деди Дзадзарони pianetamilan.it сайтига берган интервьюсида.
Эслатиб ўтамиз, Аллегри «Милан»ни атиги бир йил аввал бошқаришга киришган эди. Бунгача у Туриннинг «Ювентус» клубини муваффақиятли бошқарган — унинг қўл остида клуб Италияда тенгсиз бўлган.
