«Бавария» раҳбарияти Конрад Лаймернинг келажаги атрофидаги кескинликни юмшатишга муваффақ бўлди. Бу ҳақда BFW портали хабар бермоқда.

Аввалроқ австриялик ҳимоячининг молиявий талабларини оммавий равишда танқид қилган клуб кузатув кенгаши аъзоси Ули Хёнесс, Мюнхендаги чемпионлик байрами вақтида футболчи билан учрашган. Қайд этилишича, уларнинг қисқа суҳбати дўстона руҳда ўтган.

Клуб Лаймерни бир нечта позицияларни ёпа оладиган муҳим универсал ўйинчи деб ҳисоблайди ва яқин ойларда унинг янги шартномаси муҳокама қилинишини истисно этмайди.

Жорий мавсумда 26 ёшли футболчи 46 та ўйинда майдонга тушиб, 3 та гол урди ва 13 та голли узатмани амалга оширди. Шунингдек, Лаймер 14 та сариқ карточка олди.