Энцо Мареска «Манчестер Сити»нинг янги бош мураббийига айланади.
Англия клуби ва 46 ёшли мутахассис шартнома борасида тўлиқ оғзаки келишувга эришишди, бу ҳақда журналист Фабрицио Романо хабар бермоқда.
Мареска «шаҳарликлар» билан уч йиллик шартнома имзолайди ва клуб бошқарувида Пеп Гвардиоланинг ўрнини эгаллайди.
Италиялик мутахассис аввалроқ «Челси»ни бошқарган бўлиб, у ерда 2024 йилнинг июлидан 2026 йилнинг январига қадар фаолият юритган эди. Шунингдек, Мареска 2022/23 йилги мавсумда «Манчестер Сити»да Гвардиоланинг ёрдамчиси сифатида ҳам ишлаган.
Гвардиола 2016 йилдан буён «Манчестер Сити»ни бошқариб келмоқда. Унинг қўл остида жамоа 20 та совринни қўлга киритди.













