Нидерландиянинг «Аякс» клуби кейинги мавсум учун бош мураббий лавозимига Эрнесто Вальверде номзодини кўриб чиққан эди. Бу ҳақда AS нашри хабар бермоқда.
Манбанинг хабарига кўра, Амстердам клуби спорт директори Йорди Кройф испаниялик мутахассиснинг фаолияти билан жуда яхши таниш ва Вальверде Бильбаонинг «Атлетик» клубини тарк этиши маълум бўлганидан кейин унинг номзодига қизиқиш билдирган. Бироқ Вальверде яқин орада келадиган ҳар қандай таклифни рад этишга ва фаолиятида танаффус қилишга қарор қилди.
«Менга дам олиш керак, мавсум жуда шиддатли ўтди. Ҳозир аниқ мураббийлик қилмайман. Менга танаффус зарур», – дея маълум қилди мутахассис.
Вальверденинг рад жавобидан сўнг «Аякс» бош мураббийлигига асосий номзод сифатида «Жирона» устози Мичел кўрилмоқда, бироқ ҳозирча расмий келишувга эришилгани йўқ.
