«Манчестер Сити» бош мураббийи Пеп Гвардиола ўз фаолиятида илк бор кетма-кет икки мавсум давомида чемпионликни қўлга кирита олмади.

«Шаҳарликлар» АПЛ 37-тури доирасида сафарда «Борнмут» билан дуранг ўйнашди (1:1) ва бу натижа «Арсенал»нинг Премьер-лигада ғолиб чиқишини таъминлади.

Ўтган мавсумда «Сити» маррани учинчи ўринда якунлаган, чемпионлик эса «Ливерпуль»га насиб этган эди. Англиядаги 10 йиллик фаолияти давомида Гвардиола илк бор кетма-кет икки мавсумни бош совринсиз тугатмоқда. У бундан аввал 2016/17 йилги мавсумда учинчи, 2019/20 йилги мавсумда эса иккинчи ўринни эгаллаган, қолган олтита мавсумда эса шоҳсупага кўтарилган эди.

Бу каби ҳолат Пепнинг мураббийлик фаолиятида умуман биринчи марта кузатилмоқда. У «Барселона»даги тўрт йиллик фаолияти давомида уч марта Ла Лигада зафар қучган, «Бавария»даги уч йилида эса уч марта Бундеслига чемпионига айланган эди.