«Барселона» клуби юқори савиядаги икки футболчини ўз сафига қўшиб олиш таклифини рад этди.
Cadena SER журналисти Сике Родригеснинг хабар беришича, «блауграна»га Душан Влаховични сотиб олиш имконияти таклиф қилинган. Каталонияликлар бу қизиқарли вариант эканини билдиришган, бироқ айни дамда клуб учун бошқа устувор трансфер нишонлари мавжудлигини маълум қилишган. Шу тариқа, агар сербиялик ҳужумчи якунда Испания гранди сафига бориб қўшилса ҳам, бу фақатгина клуб бошқа футболчилар билан келиша олмагани сабабли юз бериши мумкин.
Бундан ташқари, «Барселона» Бернарду Силва трансферидан ҳам воз кечган. Клуб раҳбарияти ҳозирда жамоанинг ярим ҳимоя чизиғи тўлиқ шаклланган деб ҳисобламоқда.
