«Тоттенхэм» бош мураббийи Роберто Де Дзерби АПЛ 37-турида «Челси»дан қабул қилиб олинган мағлубият (1:2) ҳақида фикр билдирди.
«Биз Тель орқали илк хавфли вазиятни яратдик — Санчес ажойиб сэйв намойиш этди. Кейин эса чиройли гол ўтказиб юбордик, [Энцо] Фернандес — катта футболчи ва биз бу вазиятда яхшироқ ҳаракат қилишимиз мумкин эди. Иккинчи голгача ўйинда қолдик, аммо аҳмоқона гол ўтказиб юбордик. Лекин бунгача Ришарлисон орқали жуда яхши имкониятга эга бўлгандик. Менимча, биз жуда яхши ўйин ўтказдик.
Биз ютқаздик. Ҳозир ушбу ўйин ҳақида ҳаддан ташқари кўп ўйлайдиган вақт эмас. Кейинги учрашувга тайёргарлик кўришимиз керак. Ўз стадионимизда, мухлисларимиз қаршисида ўйнаймиз. Бор маҳоратимиз, характеримиз, ғурур ва жасоратимиз билан ҳаракат қилишимиз шарт. Аммо мен ижобий кайфиятдаман, чунки бугун ёмон ўйнамадик», – деди Де Дзерби Sky Sports'га берган интервьюсида.
Сўнгги тур олдидан «Тоттенхэм» АПЛ турнир жадвалида 17-ўринни эгаллаб турибди ва хавфли зонадан атиги икки очко олдинда. 24 май куни «шпорлар» мавсумнинг якуний учрашувида «Эвертон»га қарши майдонга тушишади.
