«Арсенал»нинг 16 ёшли ярим ҳимоячиси Макс Доуман АПЛ тарихида чемпионликни қўлга киритган энг ёш футболчига айланди.
«Арсенал» АПЛ 37-турида «Манчестер Сити»нинг «Борнмут» билан дуранг ўйнаганидан (1:1) кейин чемпионлик унвонини нақд қилган эди.
Доуман 16 ёшу 139 кунлигида Премьер-лига тарихидаги энг ёш чемпион сифатида рекорд ўрнатди. Бунга қадар ушбу рекорд «Манчестер Сити» хавбеки Фил Фоденга тегишли бўлиб, у илк бор 17 ёшу 350 кунлигида чемпионлик шоҳсупасига кўтарилган эди.
Жорий мавсумда Доуман АПЛда 5 та учрашувда майдонга тушиб, битта гол уришга ҳам улгурди.
