Лондоннинг «Арсенал» клуби ярим ҳимоячиси Деклан Райс жамоанинг Англия чемпионатидаги муддатидан олдин қўлга киритилган ғалабасига муносабат билдирди. «Канонирлар» АПЛ 37-тури доирасида «Манчестер Сити» ва «Борнмут» ўртасидаги учрашувда қайд этилган дуранг (1:1) натижасидан сўнг Премьер-лига ғолибига айланишди.
«Биз чемпион бўла олишимизга ишонардик ва буни билардик. Клубнинг сўнгги ўн йил ичида босиб ўтган йўлини ҳисобга олсак, бу жуда ҳаяжонли лаҳзадир. Кўплаб кўтарилишлар ва пасайшлар бўлди. Мен бу ерга келганимга унчалик кўп вақт бўлгани йўқ, лекин бу ҳақда кўп эшитганман ва ҳозир ушбу байрамнинг бир қисми бўлиш — ўзгача бир туйғу», – дея инглиз хавбекининг сўзларидан иқтибос келтирмоқда Arsenal Radar.
«Арсенал» учун бу 2004 йилдан буён қўлга киритилган илк чемпионлик ҳисобланади. Эслатиб ўтамиз, Деклан Райс жамоа сафига 2023 йилнинг ёзида «Вест Хэм» клубидан кўчиб ўтган эди.
