Сербиялик марказий ҳужумчи Душан Влахович Туриннинг «Ювентус» клубини Италия А Сериянинг бошқа бир жамоасига алмаштириши мумкин. Бу ҳақда Calciomercato журналистлари хабар тарқатмоқда.

Манба берган маълумотларга кўра, ҳужумчининг трансферига «Милан» клуби қизиқиш билдирмоқда. Милан топ-клуби раҳбарияти, агар жамоа 2025/2026 йилги мавсум якунларига кўра УЕФА Чемпионлар Лигаси йўлланмасини қўлга киритса, Влаховични сотиб олиш имкониятини кўриб чиқмоқда. Душаннинг ўзи ҳам фаолиятини кейинги мавсумда ЕЧЛда иштирок этадиган клубда давом эттиришни истайди.

Жорий мавсумда сербиялик футболчи «кекса синьора» сафида 18 та учрашувда майдонга тушиб, 5 та гол уришга эришди. Унинг бозор қиймати 35 миллион еврога баҳоланмоқда.