Ярим ҳимоячи Бернарду Силва шу ёзда эркин агент сифатида «Манчестер Сити»ни тарк этади. Инсайдер Николо Скиранинг маълумотларига кўра, Мадриднинг «Атлетико» клуби португалиялик хавбек билан шартнома имзолаш бўйича музокараларни бошлаб юборган.
«Матрасчилар» футболчига 2028 йилнинг ёзига қадар мўлжалланган ва яна бир мавсумга узайтириш имконияти бўлган шартнома таклиф қилишди. «Ювентус» ҳам Бернарду Силвани ўз сафига қўшиб олиш учун курашни давом эттирмоқда ва шу ҳафта ичида унинг агенти Жорже Мендеш билан тўғридан-тўғри музокаралар ўтказади.
Бернарду Силва 2017 йилда «Монако»дан «Манчестер Сити»га 50 миллион евро эвазига ўтган эди. Жорий мавсумда ярим ҳимоячи «шаҳарликлар» сафинда барча турнирларда 52 та учрашувда майдонга тушиб, 3 та гол урди ва 5 та голли узатмани амалга оширди.
