Шаҳзода Уильям «Астон Вилла»нинг Европа лигасидаги ғалабасига муносабат билдирди.
Бирмингем клуби турнир финалида «Фрайбург»ни 3:0 ҳисобида мағлуб этиб, бош совринни қўлга киритди.
«Ажойиб оқшом! Барча футболчиларни, жамоани, мураббийлар штабини ва клубга дахлдор бўлган барчани табриклайман! Еврокубокларда охирги марта ғалаба таъмини туйганимизга 44 йил бўлган эди! Жароҳати сабабли ўйнай олмаган, аммо жамоамизнинг ажралмас қисми ҳисобланган ва ушбу муваффақият пойдеворини қўйишда ёрдам берган Бубакар Камарани алоҳида таъкидлаб ўтмоқчиман», — дея маълум қилди Британия тахти вориси ва «Астон Вилла» мухлиси.
