«Арсенал» бир мавсумдаги даромад бўйича АПЛнинг янги рекордини ўрнатади.
Агар жамоа 30 май куни бўлиб ўтадиган Чемпионлар лигаси финалида «ПСЖ»ни мағлуб этса, Англия чемпионларининг умумий даромади тахминан 770 миллион фунтни ташкил қилади, дея ёзмоқда The Times нашри. Шу билан бирга, клуб ҳозиргача ўзи учун 760 миллион фунт даромадни кафолатлаб бўлган. Бу кўрсаткич «Манчестер Сити»нинг 2023/24 йилги мавсумдаги рекордидан (715 миллион фунт) сезиларли даражада юқоридир.
Бу натижа «Арсенал»ни дунёнинг энг бой клублари рўйхатида «Реал» ва «Барселона»дан кейинги учинчи ўринга олиб чиқиши мумкин. Бироқ, Лондон клубининг трансферлар ва маошлар учун харажатлари ҳам ошиб кетгани сабабли, мавсум якунларига кўра барибир молиявий зарар қайд этилиши эҳтимоли юқори.
