«Фрайбург» сардори Винченцо Грифо жамоасининг Европа лигаси финалида «Астон Вилла»дан учралган мағлубиятига изоҳ берди. Учрашув Англия клубининг 3:0 ҳисобидаги йирик ғалабаси билан якунланди.
«Тан олиш керак, бугун «Астон Вилла» кучлироқ эди. Афсуски, биз бугун уларнинг ишини қийинлаштира олмадик. Рақиб ҳар бир жиҳатда юқори маҳорат билан ҳаракат қилди. Биз уларга ҳақиқий босим ўтказа олмадик. Шу сабабли «Астон Вилла» ҳаққоний ғалабага эришди», — дея Грифонинг сўзларини келтирмоқда УЕФА расмий сайти.
Эслатиб ўтамиз, «Астон Вилла» ўз тарихида илк бор УЕФА кубоги / Европа лигасида ғолиб чиқди. Шунингдек, «Астон Вилла» ушбу турнирда зафар қучган Англиянинг олтинчи клубига айланди.
