Жозе Моуриньо «Реал»га келганидан сўнг мудофаа чизиғини кучайтиришни истамоқда. Журналист Мигель Серрано берган маълумотларга кўра, португалиялик мутахассис «Интер» ҳимоячиси Алессандро Бастонининг трансферини талаб қилмоқда.

Италиялик футболчи Моуриньо учун биринчи рақамли танлов ҳисобланади. Бундан ташқари, Италия терма жамоаси Жаҳон чемпионатида иштирок этмаслиги сабабли, Бастони португалиялик мураббий қўл остида машғулотларни барвақт бошлаши мумкин бўлади.

Шунингдек, Моуриньо «Реал Сосьедад» ҳимоячиси Хон Мартинни ҳам «Реал»да кўришни хоҳлаяпти, бироқ бу иккала футболчининг бир вақтда трансфер қилиниши эҳтимоли паст деб баҳоланмоқда.

Жорий мавсумда Хон Мартин «Реал Сосьедад» сафида барча турнирларда 32 та ўйин ўтказиб, 2 та гол урди. Алессандро Бастони эса «Интер» учун 40 та учрашувда майдонга тушиб, 2 та гол ва 6 та голли узатмани ўз ҳисобига ёздириб қўйди.