«ПСЖ» бош мураббийи Луис Энрике журналистнинг Усман Дембеле бутун жамоа учун ҳимояда меҳнат қилиш борасида ўрнак бўла оладими, деган саволига жавоб берди.

«Бу Усмоннинг менталитети. У ўйин ва дақиқадан қатъи назар, доимо ҳимояланади. Бундай футболчига эга бўлиш жуда муҳим. Одатда ҳамма унинг фақат ҳужумдаги ҳаракатларини таъкидлайди, лекин ҳеч ким унинг ҳимоядаги ҳаракатлари ҳақида гапирмайди. Жамоа тўпсиз қолганда ҳимояланиш керак — бунинг ёмон жойи йўқ, бу қочиш керак бўлган нарса эмас. Баскетболда ҳам шундай — ҳам ҳужум қилиш, ҳам ҳимояланиш керак, акс ҳолда ҳеч нарса чиқмайди», — дея мураббийнинг сўзларини келтирмоқда L’Equipe.

Жорий мавсумда Дембеле 39 та ўйинда 19 та гол урди ва 11 та голли узатмани амалга оширди. 30 май куни унинг жамоаси Чемпионлар Лигаси финалида «Арсенал»га қарши майдонга тушади.