«Арсенал» бош мураббийи Микель Артета илгари биргаликда ишлаган устози — Хосеп Гвардиола ҳақида ўз фикрларини билдириб ўтди.

«Пеп Гвардиола менинг мураббийлик йўлимнинг жуда катта қисми бўлган. Мен мураббийлик фаолиятимни айнан у билан бирга бошлаганман. У ушбу лигадаги стандартларни юқори даражага кўтарди. Унинг менда, футболчиларда ва клубда уйғотган ягона туйғуси — бу ўз даражамиз ва стандартларимизни ошириш, янада яхшироқ бўлишга интилиш мажбуриятидир. Сўнгги бир неча йил ичида биз чемпионликка жуда яқин келгандик. Хайриятки, бу сафар биз буни уддалай олдик», — деди Артета матбуот анжуманида.

Эслатиб ўтамиз, «Арсенал» 2004 йилдан буён илк бор Англия чемпионига айланди. «Канонирлар» чемпионликни муддатидан аввал — сўнгги тур бошланишидан олдин расмийлаштиришди.