«Арсенал» бош мураббийи Микель Артета қўлга киритилган Англия чемпионлик титули ҳақида ўз фикрларини билдириб ўтди. Маълумки, «канонирлар» 2004 йилдан буён илк бор мамлакат чемпионига айланишди.
«Бу натижага эришганимиз — ақл бовар қилмас даражадаги иш бўлди. Бу мен ҳаётимда ҳис қилган энг ажойиб туйғулардан биридир. Мен энг кўп фахрланадиган жиҳат — бу ғалабага қандай тарзда эришганимиз бўлди. Биз нафақат спортда, балки ҳаётда ҳам жуда муҳим бўлган қадриятларни намойиш эта олдик. Премьер-лига кубогини қўлга киритиш ёқимли, аммо ундан ҳам ёқимлироғи — бундан кейин содир бўлган байрам қувончларини томоша қилишдир», — деди Артета матбуот анжуманида.
2025/2026 йилги мавсумда «Арсенал» яна иккита учрашув ўтказади — АПЛ доирасида «Кристал Пэлас»га қарши (24 май) ва Чемпионлар лигаси финалида «ПСЖ»га қарши (30 май).
