Испания терма жамоаси ва Лондоннинг «Челси» клуби қанот ҳимоячиси Марк Кукурелья ёзги трансфер ойнасида ватанига қайтиши мумкин. Бу ҳақда «Marca» газетаси журналистлари хабар бермоқда.
Манбанинг берган маълумотларига кўра, Мадриднинг «Атлетико» клуби футболчини ўз сафига қўшиб олишни истамоқда. Латераль билан шартнома имзолаш «матрасчилар»нинг ёзги трансфер ойнасидаги асосий устувор вазифасига айланди. Кукурельянинг трансферига жамоа устози Диего Симеоненинг шахсан ўзи қизиқиш билдирмоқда.
Марк 2022 йилнинг август ойидан буён «аристократлар» шарафини ҳимоя қилиб келмоқда. Томонлар ўртасидаги амалдаги меҳнат шартномасининг муддати 2028 йилнинг июнь ойи охирида якунига етади. Ҳимоячининг трансфер қиймати 50 миллион еврога баҳоланмоқда.
