«Бавария» голкипери Мануэль Нойер Германия Кубоги финали доирасидаги «Штутгарт»га қарши учрашувда ўз жамоасига ёрдам бера олмайди. Бу ҳақда таниқли журналист Флориан Плеттенберг хабар бермоқда.
Манба берган маълумотларга кўра, 40 ёшли дарвозабон мушакларидаги жароҳат туфайли бўлажак муҳим баҳсни ўтказиб юборишга мажбур бўлади. «Бавария»нинг бошланғич таркибида майдонга Йонас Урбиг тушади. Қайд этилишича, Нойернинг тикланиш жараёни жуда яхши кетмоқда, бироқ тажрибали посбон яқинлашиб келаётган Жаҳон чемпионати олдидан соғлиғини таваккал остига қўйишни истамаяпти.
«Бавария» ва «Штутгарт» жамоалари ўртасидаги Германия Кубогининг финал учрашуви эртага, 23 май — шанба куни бўлиб ўтади. Бош ҳакамнинг старт ҳуштаги Тошкент вақти билан соат 23:00 да янграйди.
