«Шальке» ҳужумчиси Эдин Жеко жорий мавсумда бошқа чемпионатларга қараганда Германия иккинчи дивизиони ўйинларини кўпроқ кузатганини айтди.

«Ўзингиз ўйнайдиган лигани томоша қилиш қизиқроқ. Масалан, агар Италияда бўлсангиз, итальян лигасини бошқаларига қараганда кўпроқ томоша қиласиз. Бу мавсумда мен иккинчи Бундеслигани бошқа исталган лигадан кўра кўпроқ кузатдим. Бу ҳақиқатан ҳам зўр лига», — дея футболчининг сўзларидан иқтибос келтиради клуб матбуот хизмати.

Эслатиб ўтамиз, Жеко январь ойида «Фиорентина»дан «Шальке»га ўтган эди. Иккинчи Бундеслигадаги 11 та ўйинда у 6 та гол урди ва 3 та голли узатмани амалга оширди. Мавсум якунларига кўра, «Шальке» биринчи ўринни эгаллаб, Германия олий дивизионига йўлланмани қўлга киритди.