«Реал» президенти Флорентино Перес навбатдаги сайловларда иштирок этиш учун ўз номзодини рўйхатдан ўтказди.
Бугун Мадрид клубининг амалдаги раҳбари номидан иш юритувчи Эдуардо Фернандес де Блас сайлов комиссиясига президентлик сайловларида қатнашиш учун зарур бўлган ҳужжатларни тақдим этди.
Сайлов комиссияси ҳужжатларни ўрганиб чиқиб, Перес номзодини рўйхатга олиш ҳақида бир овоздан қарор қабул қилди. Қайд этилишича, Флорентино учун банк кафолатлари талаб этилмайди.
79 ёшли функционер 2009 йилдан бери «Реал» президенти лавозимини эгаллаб келмоқда. Бунгача у 2000 йилдан 2006 йилгача ҳам клубни бошқарган.
