Мадриднинг «Реал» клуби бош мураббийи Альваро Арбелоа «Барселона» президенти Жоан Лапортанинг яқинда айтган гапларига муносабат билдирди. Лапортанинг таъкидлашича, «Реал» ўз муваффақиятсизликларидан жамоатчилик эътиборини чалғитиш учун доимий равишда Каталония клубини танқид қилиб келади.
«Мен Лапортанинг сўзларига алоҳида аҳамият бермайман. Ўйлайманки, биз айтган гапларимизнинг барчасида доимо фикримизни аниқ ва равшан баён этганмиз. Биз ҳали ҳам бутун Испания футболи обрўсига кўп йиллар давомида доғ туширган Негрейра иши бўйича якуний қарорни кутмоқдамиз», — деди Арбелоа матбуот анжуманида.
Бугун соат 22:00 да Ла Лиганинг сўнгги тур ўйинлари бошланади: «Реал» Бильбаонинг «Атлетик» клубига қарши майдонга тушса, «Барселона» эса «Валенсия» билан тўқнаш келади.
