Лондоннинг «Арсенал» клуби раҳбарияти жамоа марказий ярим ҳимоячиси Деклан Райснинг ўйин даражасидан мамнун. Бу ҳақда Caught Offside журналистлари хабар бермоқда.
Манба берган маълумотларга кўра, «канонирлар» хавбек билан яхшиланган шартлар асосида янги меҳнат шартномасини имзоламоқчи. «Арсенал» ва Райс ўртасидаги амалдаги шартнома муддати 2028 йилнинг ёзида тугайди.
2025/26 йилги мавсумда ярим ҳимоячи Лондон жамоасининг 54 та учрашувида иштирок этди. Деклан ўз ҳисобига 5 та гол ва 11 та голли узатмани ёздириб қўйди.
Эслатиб ўтамиз, «Арсенал» муддатидан олдин Англия чемпионига айланди. 30 май куни Микель Артета шогирдлари УЕФА Чемпионлар лигаси финалида Франциянинг «ПСЖ» жамоаси билан тўқнаш келишади.
