«Арсенал» мухлиси ва таниқли телебошловчи Пирс Морган «Манчестер Юнайтед» ярим ҳимоячиси Бруну Фернандешнинг АПЛда мавсумнинг энг яхши ўйинчиси деб топилишига ўз эътирозини билдирди.
«Бу кулгили, Деклан Райс ғалаба қозониши керак эди. Жамоаси мавсум давомида бирор марта ҳам соврин учун курашмаган футболчининг, ажойиб ўйини бизни чемпионликка етаклаган йигитдан устун қўйилиши — мутлақо адолатсизликдир», — деб ёзди Морган.
Эслатиб ўтамиз, «Арсенал» жорий мавсумда 22 йиллик танаффусдан сўнг Англия чемпионига айланди, Райс эса жамоанинг асосий етакчиларидан бири бўлди. Бруну Фернандеш эса мавсумни 20 та голли узатма билан якунлаб, АПЛ рекордини такрорлаганига қарамай, «Манчестер Юнайтед» чемпионлик пойгасида иштирок этмади.
