«Брюгге» ярим ҳимоячиси Александар Станкович Англия Премьер-лигаси клубларига ўтишдан манфаатдор эмас. Бу ҳақда таниқли инсайдер Жанлука Ди Марцио хабар бермоқда.

Манбага кўра, 20 ёшли сербиялик футболчига «Брентфорд» ва «Ньюкасл» томонидан жиддий қизиқиш билдирилаётганига қарамай, у айни пайтда фаолиятини бошқа клубда давом эттириш вариантини кўриб чиқмаяпти.

Станковичнинг «Брюгге» билан амалдаги шартномаси 2029 йилнинг ёзига қадар мўлжалланган. Transfermarkt портали ярим ҳимоячининг трансфер қийматини 25 миллион еврога баҳоламоқда. Маълумот учун, Александар бельгияликлар сафида жами 54 та ўйинда майдонга тушиб, 9 та гол ва 5 та голли узатмага муаллифлик қилган. Шунингдек, у Сербия миллий терма жамоаси сафида 6 та учрашувда иштирок этган.