«Челси» жамоасининг вақтинчалик бош мураббийи Калум Макфарлейн АПЛ 38-тури доирасидаги «Сандерленд»га қарши ўйин олдидан ярим ҳимоячи Коул Палмерни қўллаб-қувватлаб чиқди. Футболчи Англия терма жамоасининг ЖЧ-2026 учун якуний таркибидан ўрин олмагани мухлислар ва мутахассислар ўртасида турли муҳокамаларга сабаб бўлди.
Макфарлейн Sky Sports нашрига берган интервьюсида Палмерга нисбатан ишончлари юқори эканини таъкидлади:
«Мен клуб ва ўзим номимдан Коулга бўлган муносабатимизни кўп бор айтганман. Англия терма жамоаси бош мураббийи ўз танловини амалга оширди. Ҳозир энг яхши йўл — у билан гаплашиб олиш. Биз Коулга тўлиқ ишонамиз ва унинг юқори даражали футболчи эканини биламиз. Якшанба кунги ўйинда унга умид боғлаймиз», — деди мураббий.
Шунингдек, Макфарлейн ҳар қандай омадсизликни муваффақият сари қадам деб билиш кераклигини қўшимча қилди: «Ҳаётда ва футболда ҳар бир муваффақиятсизликни ижобий нуқтаи назардан қабул қилиш керак. Агар тўғри кайфият ва ирода бўлса, ҳар қандай вазиятдан фойдали сабоқ чиқариш мумкин».
