«Ливерпуль» ҳужумчиси Муҳаммад Салоҳ фаолиятини Туркияда давом эттириши мумкин. Speedline нашри берган маълумотларга кўра, «Галатасарай» шу ёзда мисрлик футболчини ўз сафига қўшиб олишга қизиқиш билдирмоқда.
Туркия клуби келаси мавсум учун таркибни кучайтириш мақсадида амалга оширилаётган амбицияли трансфер кампанияси доирасида ҳужумчининг ўтиш имкониятларини ўрганмоқда.
Муҳаммад Салоҳ 2017 йилда «Рома»дан 42 миллион евро эвазига «Ливерпуль»га ўтган эди. Жорий мавсумда форвард «қизиллар» сафида барча турнирларда 40 та ўйинда майдонга тушиб, 12 та гол урди ва 9 та голли узатмани амалга оширди. Ушбу мавсум якунланганидан сўнг Муҳаммад Салоҳ эркин агентга айланади.
