«Liverpul» hujumchisi Muhammad Saloh faoliyatini Turkiyada davom ettirishi mumkin. Speedline nashri bergan ma’lumotlarga ko‘ra, «Galatasaray» shu yozda misrlik futbolchini o‘z safiga qo‘shib olishga qiziqish bildirmoqda.

Turkiya klubi kelasi mavsum uchun tarkibni kuchaytirish maqsadida amalga oshirilayotgan ambisiyali transfer kampaniyasi doirasida hujumchining o‘tish imkoniyatlarini o‘rganmoqda.

Muhammad Saloh 2017 yilda «Roma»dan 42 million yevro evaziga «Liverpul»ga o‘tgan edi. Joriy mavsumda forvard «qizillar» safida barcha turnirlarda 40 ta o‘yinda maydonga tushib, 12 ta gol urdi va 9 ta golli uzatmani amalga oshirdi. Ushbu mavsum yakunlanganidan so‘ng Muhammad Saloh erkin agentga aylanadi.