Cox Energy энергетика компанияси раҳбари Энрике Рикельме «Реал» президентлиги учун сайловларда иштирок этишини эълон қилди.
«Бугун «Реал» учун жуда муҳим кун. 20 йил деганда ниҳоят овоз бериш имкониятига эга бўламиз (Флорентино Перес бир неча бор бошқа номзодлар йўқлиги сабабли автоматик равишда қайта сайланган эди).
Бу кимгадир «қарши» чиқиш эмас, бу «Реал» келажаги учун ташланган қадамдир. Биз ҳам спорт, ҳам ижтимоий соҳада жиддий ва илҳомлантирувчи лойиҳа устида узоқ вақт ишладик. Сизларга жуда манзур келадиган лойиҳани тақдим этамиз. Бугун ушбу сайловлардан завқланиш ва энг яхши лойиҳа учун овоз бериш кунидир.
Сосьослардан (клуб аъзоларидан) қўрқмасдан, бизни тинглаш учун жасорат кўрсатишларини сўрайман. Лойиҳамиз қисқа, ўрта ва узоқ муддатли истиқболларга мўлжалланган. Сайлов комиссияси бизни расман номзод сифатида тасдиқлаши билан, барча ташаббусларимиз ҳақида сўзлаб бериш учун 24/7 режимида ишлаймиз», — деди Рикельме.
