«Валенсия» ўз майдонида Ла Лига 38-тури доирасида «Барселона» устидан 3:1 ҳисобида ғалаба қозонди.
Мезбонлар сафида Хави Герра, Луис Риоха ва Гвидо Родригес гол уришди. Меҳмонларнинг ягона жавоб голи Роберт Левандовски ҳисобига ёзилди.
«Барселона» 2025/26 йилги мавсумни 94 очко билан Ла Лига турнир жадвалининг биринчи поғонасида якунлади. «Валенсия» эса 49 очко билан тўққизинчи ўринни эгаллади.
Параллел равишда кечган баҳсда «Бетис» «Леванте»ни 2:1 ҳисобида мағлуб этди. Мезбонлар сафида Эз Абде ва Пабло Форналс гол урган бўлса, меҳмонларнинг ягона голига Карлос Эспи муаллифлик қилди.
«Бетис» 2025/26 йилги мавсумни 60 очко билан 5-ўринда якунлади ва Чемпионлар лигаси йўлланмасини қўлга киритди. «Леванте» эса 42 очко билан 16-ўриндан жой олди.
