«Барселона» ҳимоячиси Жерар Мартин Ла Лиганинг сўнгги тури доирасида «Валенсия»га қарши ўйиндан (1:3) кейин интервью берди. Каталонияликлар 61-дақиқада Роберт Левандовскининг голи эвазига ҳисобни очишганди, бироқ қолган вақт ичида ўз дарвозаларидан учта тўп ўтказиб юбориб, «кўршапалаклар»га имкониятни бой беришди.
«Биз хафамиз, ўйин даҳшатли чиқди. Ҳеч биримиз мавсумни бундай тарзда якунлашни хоҳламагандик. Умумий олиб айтганда эса мавсум муваффақиятли ўтди — биз иккита совринни қўлга киритдик. Бошида ишларимиз унчалик яхши кетмаётганди, лекин ўзимизни ўнглаб олдик ва чемпионатда мақсадимизга эришдик», — деди Мартин ўйиндан кейинги интервьюсида.
«Барселона» 38 тур якунларига кўра Мадриднинг «Реал» клубини саккиз очкога ортда қолдирди.
