«ПСЖ» ҳимоячиси Люка Эрнандес бўлажак Чемпионлар лигаси финали ҳақида ўз фикрлари билан ўртоқлашди.
Парижликлар 30 май куни финал учрашувида «Арсенал»га қарши майдонга тушадилар. Ярим финал натижаларига кўра, Франция клуби «Бавария»дан устун келди (5:4, 1:1).
– Финал яқинлашгани сари бирор ғайритабиий нарсани ҳис қиляпсизми? Қандайдир ўзгача босим борми?
– Тўғрисини айтсам, йўқ. Бизда атиги бир ярим кунлик дам олиш вақти бўлади. Лекин барчамиз бизни нима кутаётганини тушуниб турибмиз: бу мавсумнинг энг муҳим ўйини. Биз клуб, «Пари Сен-Жермен» ва ҳатто Франция футболи тарихига қайтадан киришимиз мумкин.
– Бу мавсумдаги Чемпионлар лигасида сиз учун энг эсда қоларли лаҳза қайси бўлди?
– Мен «Бавария»га қарши ўйиннинг якунини айтган бўлардим. Ўйин давомидаги шунча қийинчиликлардан сўнг енгилликни ҳис қилдим. Биз ҳақиқий жамоа эканлигимизни кўрсатдик, айниқса иккинчи учрашувда. Назаримда, бу мен учун жорий мавсумдаги энг эсда қоларли лаҳза бўлди, – деди Эрнандес УEФАга берган интервьюсида.
