Бугун, 24 май куни Англия Премьер-лигаси 2025/2026 йилги мавсум 38-тур доирасида «Тоттенхэм» ва «Эвертон» жамоалари ўртасидаги баҳс бўлиб ўтади. Учрашув Лондондаги «Тоттенхэм Хотспур» стадионида бўлиб ўтади. Ўйинни бош ҳакам Майкл Оливер бошқариб боради. Учрашув Тошкент вақти билан соат 20:00 да бошланади.

Жамоаларнинг асосий таркиблари:

• «Тоттенхэм»: Кински, Спенс, ван де Вен, Дансо, Удоджи, Порро, Пальинья, Галлахер, Бентанкур, Тель, Ришарлисон.

• «Эвертон»: Пикфорд, О`Брайен, Тарковски, Кин, Миколенко, Айрогбунам, Гарнер, Рёль, Дьюсбери-Холл, Ндиайе, Барри.

«Тоттенхэм» чемпионатда 37 та ўйиндан сўнг 38 очко жамғариб, 17-ўринни эгаллаб турибди. Лондонликлар хавфли зонадан атиги икки очко фарқ билан ажралиб турибди ва бу мавсумнинг сўнгги ўйинида улар учун ўта муҳим аҳамиятга эга. «Эвертон» эса 49 очко билан турнир жадвалида 12-ўринни банд этган.