Bugun, 24 may kuni Angliya Premyer-ligasi 2025/2026 yilgi mavsum 38-tur doirasida «Tottenxem» va «Everton» jamoalari o‘rtasidagi bahs bo‘lib o‘tadi. Uchrashuv Londondagi «Tottenxem Xotspur» stadionida bo‘lib o‘tadi. O‘yinni bosh hakam Maykl Oliver boshqarib boradi. Uchrashuv Toshkent vaqti bilan soat 20:00 da boshlanadi.
Jamoalarning asosiy tarkiblari:
-
«Tottenxem»: Kinski, Spens, van de Ven, Danso, Udodji, Porro, Palinya, Gallaxer, Bentankur, Tel, Risharlison.
-
«Everton»: Pikford, O`Brayen, Tarkovski, Kin, Mikolenko, Ayrogbunam, Garner, Ryol, Dyusberi-Xoll, Ndiaye, Barri.
«Tottenxem» chempionatda 37 ta o‘yindan so‘ng 38 ochko jamg‘arib, 17-o‘rinni egallab turibdi. Londonliklar xavfli zonadan atigi ikki ochko farq bilan ajralib turibdi va bu mavsumning so‘nggi o‘yinida ular uchun o‘ta muhim ahamiyatga ega. «Everton» esa 49 ochko bilan turnir jadvalida 12-o‘rinni band etgan.
