«Арсенал» 2004 йилдан бери илк бор Англия чемпионига айланди. Микел Артета бошчилигидаги жамоа 38 тур давомида 85 очко жамғарди. Иккинчи ўринни эгаллаган «Манчестер Сити» эса чемпиондан 7 очко камроқ тўплади.
The Athletic журналистлари қизиқарли бир фактга эътибор қаратишди: «Арсенал» Премьер-лига тарихида мавсумни қизил карточкаларсиз ва ўз дарвозасига белгиланган пенальтиларсиз ўтказган илк жамоа бўлди.
«Арсенал»ни олдинда ўта муҳим ўйин кутиб турибди: 30 май, шанба куни Артета шогирдлари Чемпионлар лигаси финалида «ПСЖ»га қарши майдонга тушади. Соврин учун кечадиган баҳс Будапештда бўлиб ўтади ва Тошкент вақти билан соат 21:00 да старт олади.
