«Манчестер Юнайтед» ярим ҳимоячиси Бруну Фернандеш АПЛнинг бир мавсумида энг кўп голли узатма амалга ошириш бўйича янги рекорд ўрнатгани (21 та) ҳақида фикр билдирди.

«Бу жуда ажойиб. Мен бундан жуда хурсандман. Бу жуда муҳим лаҳза. Очиғини айтсам, бу маррага яқинлашмагунимча, бу ҳақда ўйламаган эдим. Бугун бу натижага эришиш менга насиб қилди.

Мураббий Жонни Эванс биз Патрик учун тайёрлаган стандарт ҳолатдан фойдаланишга мендан кўра кўпроқ ишонди, чунки мен унинг боши билан гол ура олишига унчалик ишонмаган эдим. Мен голли узатмани амалга оширдим, аммо энг муҳими — бугун ғалаба қозондик ва мавсумни жуда кучли тарзда якунладик», — дея 31 ёшли футболчининг сўзларини келтиради Sky Sports.

Фернандеш Англия чемпионатининг 38-тури доирасида «Брайтон»га қарши сафарда ўтказилган ўйинда (3:0) Патрик Доргунинг голига ассистентлик қилди.

2025/26 йилги мавсумда ярим ҳимоячи барча турнирларда 37 та учрашувда майдонга тушиб, тўққизта гол урди ва 22 та голли узатмани ўз ҳисобига ёздириб қўйди.