«Атлетико» Ла Лиганинг сўнгги турида «Вильярреал»га мағлуб бўлди (1:5).

Мадридликлар Диего Симеоне бошқарувида иккинчи бор бир ўйинда 5 та гол ўтказиб юборишди. Аввалроқ бу ҳолат 2024 йил январда Испания Суперкубоги ярим финали доирасида «Реал»га қарши ўйинда (қўшимча бўлимларда 3:5) кузатилганди.

Умуман олганда, Симеоне қўл остида «Атлетико» жами 800 та ўйин ўтказди. Аргентиналик мураббий 2011 йилнинг декабридан буён жамоани бошқариб келмоқда.

«Матрасчилар» охирги бор Ла Лигада 5 та гол ўтказиб юборган ҳолат 2011 йил сентябрига тўғри келади. Ўшанда Грегорио Мансано бошчилигидаги жамоа «Камп Ноу»да «Барселона»дан 0:5 ҳисобида мағлубиятга учраганди.