Каталониянинг «Барселона» клуби «Интер» ҳимоячиси Дензел Дюмфриснинг вакиллари билан музокара ўтказди.
«Барселона» спорт директори Деку ва бош мураббий Ҳанси Флик нидерландиялик футболчининг ўйинларини юқори баҳолашмоқда. Клуб раҳбарияти Дюмфрисни жамоанинг ўнг қанот ҳимояси учун муҳим вариант сифатида кўрмоқда.
Маълумотларга кўра, «Барселона» мазкур трансферни амалга ошириш учун аввало Жюль Кундени камида 60 миллион евро эвазига сотиши керак.
Футболчи ҳақида қисқача маълумот:
-
Исми: Дензел Дюмфрис
-
Ёши: 30 (1996 йил 18 апрель)
-
Бозор қиймати: тахминан 23,6 – 24,8 миллион евро
-
Шартнома ҳолати: «Интер» билан амалдаги келишув 2028 йилнинг ёзига қадар мўлжалланган
-
Жорий мавсумдаги натижалари: «Интер» сафида барча мусобақаларда 28 та ўйинда майдонга тушиб, 5 та гол ва 2 та голли узатмага муаллифлик қилган.
