«Тоттенхэм» бош мураббийи Роберто Де Дзерби кейинги мавсум олдидан жамоа таркибида жиддий ўзгаришлар қилишга эҳтиёж йўқ деб ҳисоблайди.
АПЛнинг сўнгги турида «Тоттенхэм» «Эвертон»ни мағлуб этди (1:0) ва мусобақа жадвалида 17-ўринни эгаллаб, лигада жон сақлаб қолди.
«Биз яхши меҳнат қилдик, лекин таркибимизда кучли футболчилар кўплигидан омадим келди. Бу ўйинда улар катта босим остида ҳам тўпни ажойиб тарзда назорат қилишгани кўринди. Бу мен келганимдан бери энг яхши ўйинимиз бўлган бўлиши мумкин. Агар бор кучингизни берсангиз, натижа узоқ куттирмайди.
Ўйин давомида менга қийин бўлди, лекин футболдаги босим ҳаётимни гўзаллаштиради. Босимсиз янада ёмон бўларди. Кейинги мавсумда биз юқори савияли жамоа тузишимиз керак. Таркибда катта ўзгаришлар шарт эмас, лекин биз "топ" даражадаги ўйинчиларни жалб қилишимиз лозим», — деди мураббий Sky Sports нашрига берган интервьюсида.
