Англия терма жамоасининг собиқ ҳужумчиси Уэйн Руни «Манчестер Сити» ва «Астон Вилла» клубларини кескин қоралади. Клублар «шаҳарликлар» сафидаги сўнгги ўйинини ўтказаётган Бернарду Силва ва Жон Стоунз алмаштирилаётган вақтда, тўғри майдоннинг ўзида улар учун «фахрий қоровул» (жонли йўлак) ташкил қилишди.
«Улар эҳтиромга лойиқ, аммо буни финал ҳуштагидан кейин қилиш керак эди. Агар мен «Вилла» сафида ўйнаётганимда, бундан жуда қаттиқ ғазабланган бўлардим», — деди «МЮ» афсонаси BBC эфирида чиқиш қилар экан.
Рунининг сўзларини Англия терма жамоасининг яна бир собиқ форварди Алан Ширер ҳам қўллаб-қувватлади. Унинг таъкидлашича, бундай маросимларни ўйин тугашига ярим соат қолганда ўтказиш мутлақо нотўғри.













